حبك وجع

حبك وجع

بعدو معي حبك حلم هربان

من قلب قلبي انسرق وبكيت عغيابو

مطرح ما كنا نحترق صار الجمر بردان

والعطر عندو وفا اكتر من صحابو

وحدي بدونك ما قدرت ما اصعب الحرمان

تركو الندم عندي عيونك وغابو

مجروح قلبي وصرخ عم يندهك ندمان

محروق طعم الهنا بغياب احبابو

انت لمين انت الي قلبي الك منو الي

انت ملك قلبي هواك يالي بحلاك عمري حلي

انت لمين انت الي قلبي الك منوالى

انت ملك قلبي هواك يالي بحلاك عمري حلي

وينك على ليلي تعا بعدو القمر سهران

جايي انا عيوني سهر

دابوشوف الدني كل الدني ما في قلب

ما جرح من الهوى اصل الهوا سهران

انت حبيبي وبالقلب غيرك ما في انسان

عمري الو والعمر عحسابو

صارت حياتي انا قصة قلب تعبان

وحدو الحنين الي بقي من كل اصحابو

انت لمين انت الي قلبي الك منو

انت ملك قلبي هواك يالي بحلاك عمري حلي

انت لمين انت الي قلبي الك منو الي

انت ملك قلبي هواك يالي بحلاك عمري حلي

مفاهيم عجبتنى

تصفح الاميل بالنسبه لى زى قرايه الجرايد كده شئ باقوم بيه كل يوم او يومين على الاكثر بصراحه باحس ان فيه حاجات كتير فاتتنى لما باجل فتح الايميللان الاميل عندى زى صندوق الدنيا كده فيه تنبيه عن البلوجز الجديده بتاعة اصحابى وأخر اخابر الرددود فى المنتديات الى باشترك فيها غير معلومات كتير بيرسلها اصحابى على النت
احيانابتوصل لى ايملات دمعا خفيف جدا وانا قررت اختار يعضها واضمنه فى المدونه هنا فى قسم خاص اسميه يوميات هوت ميل
اول موضوع هو التعرفات اللذيذه دى
الاشتراكية: أن تكون لديك بقرتان تعطي واحدة لجارك.
الشيوعية: أن تكون لديك بقرتان فتأخذ الحكومة الاثنتين وتمنحك بعض اللبن.
الفاشية: أن تكون لديك بقرتان فتأخذ الحكومة الاثنتين وتبيع لك بعض اللبن.
النازية: أن تكون لديك بقرتان فتأخذ الحكومة الاثنتين وتعدمك
البيروقراطية: أن تكون لديك بقرتان فتأخذ الحكومة الاثنتين وتقتل واحدة وتحلب الأخرى وتلقي باللبن بعيدًا.
الرأسمالية: أن تكون لديك بقرتان فتبيع واحدة وتبتاع ثورًا، من ثم ينمو القطيع فتبيعه وتتقاعد معتمدًا على الدخل.
شركة أمريكية: أن تكون لديك بقرتان فتبيع واحدة وترغم الأخرى على أن تعطيك لبن أربع بقرات ثم تستأجر خبيرًا استشاريًا لفهم لماذا ماتت البقرة.
شركة فرنسية: أن تكون لديك بقرتان فتعلن الإضراب لأنك تطالب بثالثة.
شركة يابانية: أن تكون لديك بقرتان. تعيد تصميمهما جينيًا بحيث تصيرا عشر حجم البقرة العادية، مع مضاعفة اللبن عشرين مرة. ثم
تبتكر شخصية بقرة للرسوم المتحركة اسمها (كاوكيمون) وتسوقها في العالم كله.
شركة ألمانية: أن تكون لديك بقرتان. تعيد تصميمهما جينيًا بحيث تعيش الواحدة مائة عام وتحلب نفسها وتأكل مرة كل شهر.
شركة إيطالية: أن تكون لديك بقرتان لكنك لا تعرف أين هما ثم تكف عن البحث لأن ساعة الغداء حانت.
شركة روسية: أن تكون لديك بقرتان تعدهما فتجد أن لديك خمس بقرات. تعد من جديد فتجد أن العدد 42 تعد من جديد فتجد أنهما بقرتان
تتوقف لتفتح زجاجة فودكا أخرى.
شركة سويسرية: أن تكون لديك 5000 بقرة لا تملك واحدة منها. لكنك تتقاضى من الآخرين ثمن الاحتفاظ بها.
شركة صينية: أن تكون لديك بقرتان ولديك 300 واحد لحلبهما. تنشر أخبارًا عن انعدام البطالة وتقدمُ صناعة الألبان وتعتقل الصحفي الذي
نشر الأرقام الحقيقية.
شركة هندية: أن تكون لديك بقرتان وأنت تعبدهما.
شركة بريطانية: أن تكون لديك بقرتان مجنونتان!
شركة مصرية: أن تكون لديك بقرتان كلتاهما ذهبتا لمبايعة مبارك!

الى اختشوا ماتو

مش عارفه ليه ابتديت احب البلوج هنا حتى انى هجرت البلوج القديم الى كنت شاغله نفسى بيه طول الوقت ..يمكن علشان اغلب كتاباتى خواطر وجنونه الشعر بتطلع هناك لدرجة انها شغلتنى عن الهدف الاصلى للتدوين عن نفسى وحياتى ..المهم اساعه دلوقتى 9صباحا وبعكس الناس كلها الى نامت وقايمه تروح شغلها انا لسه مانمتش من امبارح لا والغريب انى مش سهرانه لا على نت ولا يتفرج على تليفزيون ولا حتى عملت فيها مثقفه وقعدت اقرأ ولا خدتنى الجلاله وقررت اعمل شجاعه وادخل المطبخ اقلبه كالمعتاد علشان اعمل صينيه بسبوسه الفجر وبدل ماتهد وادخل انا م يمكن ربنا يكرمنى واصحى مره قبل الساعه 5 العصر لاقيت نفسى بافتح المدونه بمكن النهارده حسيت شويه ولأول مره من شهر ونص انى مخنوقه طبعا عندى اسباب كتير للخنقه اولها انى عايزه انزل وورايا 100 مشوار والسهر كل يوم مش بيخلينى انزل تانى حاجه ان صديقى العزيز جدا جدا وائل الى كان مالى عليا الدنيا سافر الصين ومش عارفه مسافر هناك يعمل ايه ؟ لكن الى مخفف عنى انه بيتصل يطمن عليا بس للاسف مش كتير ..مخنوقه لانى فجأه حسيت ان الدنيا كلها بقت مصالح وانى كنت ساذجه على راى صديق تانى ماناموعوده باصدقاء الهم الغريب انى باكتشف من جديد انى فعلا ساذجه بأدور على الرومانسيه فى عالم مادى بحت لاعرفت احب ولا عرفت ابقى عمليه لدرجه انى حاسه انى تايهه ..وعلشان حظى المنيل جالى عريسين مره واحده والاتنين العن من يعض واحد معتز بنفسه موت وفاكر ان الدنيا لاجابت قبله ولا بعده وياسلام سمع من قرايبى الله يسامحهم انى مش باهتم بالشكل وان انا بحب الراجل تكون ملامحه مصريه يعنى اسمر وعيون عسلى ودمه خفيف وماكدبش خبر بقى قاعد يوقل ياارض اتهدى ماعليكى ادىالاغرب بقى انه فضل يحكى عن شغله ومرتبه وعربيته والامراء الى بيتعامل معاهم طول الوقت ولمار بنا فتح عليه وايتدى يسأل عن اهتماماتى او حتى يدينى فرصه اساله انا عن الى عايزه اعرفه عنه زى مابيقولوا كده سكت دهرا ونطق كفرا .. اول سؤال كان هو انتى بتدخلى المطبخ ؟؟ برقت له كده ونظرت شذرا وقررت استعبط قلت له اكيد عادى يعنى .. فالى يعنى اقصد بتعرفى تطبخى بصيت له البصه المشهوره الممزوجه باستنكار على تعجب على تتنيح وهزيت راسى بالايجاب لانى بصراحه لو فتحت بقى واتكلمت كان كل الى حوالينا هايتلموا اه نسيت اقول انى رفضت يكون لقاءنا فى البيت زى مايكون قلبى حاسس .. االسؤال التانى مباشره بعد ماجاوبت على السؤال التانى من غير ولاكلمه كان أنتى ليه ماشتغلتيش ؟؟ابتسمت ابتسامه صفراء وقت له برده عادى ما كنتش عايزه اشتغل.. ولاقيته بدون مقدمات بيقول لى انا هاجيب لك شغل معنا فى المركز التجارى للشيراتون .. فجاه لاقيت نفسى مش معاه خالص وعماله ادور بعينى على اى حاجه تشغلنى علشان ماقومش واسب الى قاعدين واسيبه بس قلت انرفزه قبل ما اروح سالته انت ايه اهم شئ بتتمناه فى شريكة حياتك ؟ وكانت المفاجاه القشه التى قصمت ظهر البعير ابتسم وسبل وصوته قجاه بقى واطى قلت يمكن ربنا يهديه ويقول حاجه عدله لاقيته بيقول لى تكون بيضا ودمها خفيف ومطيعه ومتفاهمه ......................................مش عايزه احكى على الباقى كل الى هاقوله الى اختشوا ماتوا حسبى الله ونعم الوكيل فيك يالى فى بالى على اخر الزمن اقعد واتسال انتى بتعرفى اطبخى الى عايزه اقوله ان التجربه دى هاتكون اخر عهدى بأرتباط الصالونات زى مابيقولوا

ياناس غلبت اقول الجواز مش غايه ابدا ده مجرد وسيله تجمعنا بالانسا ن الى يتمناه قلبنا ولو مافيش حب ولا حد بنتمناه يبقى ليه الجواز من اساسه

يا شماتة ابله ظاظا

بصراحه الموضوع مجننى بقالى كام يوم عايزه أكتب فيه وكل مره اقول يا بت أعقلى خلاص بس خلاص بقى ومش عايزه اقول لكم مافيش عقل

ايه هو الموضوع بقى الموضوع هو الفتاوى الى نازله كل يوم والتانى ترف على دماغنا لما دماغنا باظت خلاص الواحد بقى فى نص هدومه وطبعا ماحدش متخيل الفتاوى دى بتتاخد من اخواننا أياهم ازاى طبعا الفتوى الى طلعت من كام يوم كانت فتوى رضاع الكبير الى خرج علينا بيها الدكتور عزت عطيه والتى ومش عايزه اصف كم التهليل والاستهزاء الى قامت بيه بعض المواقع القبطيه أه والله شفت بعينى ماحدش قال لى كأنهم وقعوا على كنز الشئ التانى فتوى زى دى مش عارفه اساسا فايدتها ايه طب ولو كل زميله فى العمل ارعت زميلها ياترى بعد 10 سنين اذا ابنائهم كبروا واختلط الحابل بالنابل هاتبقى مصر كلها اخوات فى الرضاع وماحد ش يتجوز ول ايه الحكايه هانعمل ايه يمكن ده أحد الوسائل الجديده للزياده السكانيه الله لعلم

بس أنا بقى حبيت اجيب شويه ردود ظريفه من بعض التعليقات الى اتنشرت فى موقع العربيه علشان نشوف الخيبه الى بقينا فيها


16/05/2007 م، 10:29 مساءً (السعودية) 07:29 مساءً (جرينتش)
بسم الله الرحمن الرحيم هذا الكلام الذي لا يمكن ان يرضى به اي عاقل يدل وبوضوح ان هناك الكثير من الاحاديث المفتراه على الرسول الكريم وانه من الاولى بمن يسمون انفسهم علماء الحديث ان يقومو بتنقيه هذه الاحاديث وردها كائنا من كان راويها

مع كل احترامى لكل العلماء وبرغم ضالة معرفتى لكن اعتقد ان دا موضوع مستخيل فى زمن فى من الفواحش ما هو اكبر من مما تتصوره الناس انا اعتقد ان الكلام دا مع كامل احترامى تهريج و ربنا يعفينا من هذا الزمان الغريب ة يحسن ختمنا ة يخرجنا من هذه الدنيا على خير
اللي إختشوا ماتوا


16/05/2007 م، 10:36 مساءً (السعودية) 07:36 مساءً (جرينتش)
هل تتم الرضاعة والأبواب مغلقة أيضا" يا علماء الحديث تحلوا بالأدب واعلموا أن الزنا قد يكون أقل ضررا" من هذه الخزعبلات والإفتاءات الدميمة التي تعود بنا إلى الوراء والتي لأساس لها - برجاء تدخل الرجل العاقل شيخ الأزهر لوقف هذه السخا

16/05/2007 م، 10:42 مساءً (السعودية) 07:42 مساءً (جرينتش)
وإذا كانت الموظفة آنسة فما هو الحل؟ أتوقع أن عقلية مثل عقلية هذا المفتي سيقول أن على الموظف المختلي بها أن يتزوجها عرفيا ثم ينجب منها حتى تكون قادرة على الإرضاع، ثم يطلقها ويرضع منها وبهذا يمكن لهما الخلوة في مكان العمل شر الفتاوى ما يضحك فعلا

عبدالرحمنaaa0553@hotmail.com

16/05/2007 م، 10:55 مساءً (السعودية) 07:55 مساءً (جرينتش)
والله شئ يموت ضحك كل يوم فتاوى جديدة غريبة عجيبة تتوقعوا ايه الفتوى القادمة!!!!؟؟؟؟ ممكن تكون جواز زواج المرأة من صديقها في العمل اضافة الى زوجها الحالي يعني عشان يجوز يقعدوا سوا بالعمل او ممكن بعد ما يرضع يكون طمعان شويه بأكثر من الرضعة فعشان كذه مش مشكله يتزوجها كفاااااااااااااااااااااايه تخلف


16/05/2007 م، 11:03 مساءً (السعودية) 08:03 مساءً (جرينتش)
اللهم لاتاخذنا بما فعل السفهاء منا

فرصة لاتعوض ?قارئ منتهز للفرص

16/05/2007 م، 11:13 مساءً (السعودية) 08:13 مساءً (جرينتش)
انها حقا فرصة و محدش يفوتها كل واحد ياخد الفتوى دى على الشغل بتاعة وينقى احلى الستات و يخلوهم يقروها و ينفذوها ....... فكرة حلوة ولا لأ

نور اليقين
قين 16/05/2007 م، 11:32 مساءً (السعودية) 08:32 مساءً (جرينتش)
مع الاسف هل ان ارضاع الكبير اصبح سنة النبي عيب عليكم يامسلمين اين النبي من هذه الاحاديث الكاذبة لا تجعلوا الامم تضحك عليكم الاسلام حرم النظر الى جسد المراة الا لزوجها فهل ياتي علينا فقهاء القوم ويبيحون رؤيته من قبل اخرين هل اصبحت المراة مجرد مرضعة لكل من هب ودب صغيرا كان ام كبيرا هل يقبل العقل ان احدهم يسمح لزوجته ان ترضع اخر وهو يحمد الله على الفتوى هذه ارحمونا ياوعاض السلاطين فلا خير فيكم ولا خير فينا ان رضينا بكم مفتين

حليب جميل جدا
16/05/2007 م، 11:40 مساءً (السعودية) 08:40 مساءً (جرينتش)
بنصير نشرب حليب ع الصبح بدل القهوة.....افضل للصحة

- اقتراح

105/2007 م، 12:01 صباحاً (السعودية) 09:01 مساءً (جرينتش)
اقترح ان تكون عملية الرضاعه فى وجود الزوج 00000

سؤال هام جدا

17/05/2007 م، 12:17 صباحاً (السعودية) 09:17 مساءً (جرينتش)
طيب والمراة الى بترضع زوجها ياترى يصبح مثل اخوها وتصير محرمة علي


فيه مشكلة !
أبو سراج

17/05/2007 م، 12:29 صباحاً (السعودية) 09:29 مساءً (جرينتش)
اللي عنده حساسية من الحليب شو يسوي ؟؟ شوفوا لنا حل يا جماعة

مدة الصلاحية
حسنين

17/05/2007 م، 12:33 صباحاً (السعودية) 09:33 مساءً (جرينتش)
الرضعات الخمسة المزعومة ما هي فترة انتهاء صلاحيتهاهل يوم واحد ام يومين ام اكثر؟ وهل يجوز التكرار في حالة استساغة طعم الحليب مع النكهة المعينة وهل هناك نكهات معينة اخرى ؟ الرجاء الالتفات الى مايلي حدث العاقل بما لايعقل فان عقل فلا عقل له فهل تعقلون هذا الهراء حسبي الله ونعم الوكيل

مسلم حائر

17/05/2007 م، 12:54 صباحاً (السعودية) 09:54 مساءً (جرينتش)
هذا آخر ماكنت اتوقعة ان نبيح للمرأة ارضاع زميلها بالعمل، ولكن هل يباح للطالبة في الجامعة ارضاع صديقها في الجامعة، اذا كان هذا مباح فهل يجب ان يكون ذلك في ساحات الجامعة ام خلف الاسوار. لا اعلم هل وصل بنا الامر الى حد الاستهزاء بالاسلام، لقد تشوهت صورة الاسلام بشكل واضح من امثال هؤلاء الاشخاص اللذين والعلم عند الله اشترو شهاداتهم من روسيا. يجب ان نكون حريصين من الآن فصاعدا لان الامر اصبح مخيف، لا نعلم ما قد يبيحوه بعد الان



مبيعات السجائر
ايسر

17/05/2007 م، 01:00 صباحاً (السعودية) 10:00 مساءً (جرينتش)
هذه الفتوى هدفها تحطيم عادة تدخين السجائر00وانا على استعداد استبدال تلك العادة السيئة وهى التدخين00بعادة اخرى جميلة 00لكن انا خايف ما اقدرش اتحكم فى نفسى00ده انا هابقى غاوى 00وعينى هاتزوغ كثير


يالهوي بواسطة حافظ

17/05/2007 م، 02:02 صباحاً (السعودية) 11:02 مساءً (جرينتش)
ده أنا الموظف الوحيد وسط تسعة، ده أنا سأصاب بالتخمة والكلسترول

اما التعليق الى أعجبنى فعلا


دعونا ننظف كتبنا من الاحاديث الموضوعه.
ابو هريره 2007

17/05/2007 م، 02:04 صباحاً (السعودية) 11:04 مساءً (جرينتش)
دعونا ننظف كتبنا من التهريج والاحاديث الموضوعه (مهما كان الراوي) ومهما كان صاحب الكتاب وننظفها ايضا من التناقضات وإلا ستستمر مثل هذه الفتاوى وكل يوم يطلع علينا موضه شكل جديد.



دعونا نبحث وننقى احاديث الرسول الكريم من الاسرائيليات والضعيف والمقطوع والمشكوك فيه وأرحمونا يا شيوخنا الاجلاء

أخرصبرك ياقلبى

قررت انى اهرب هنا لوحدى اكتب بحريتى ازعق اصرخ اعيط اشتم ( قليلا من الحريه يعطى الحياه طعم جديد) امممممممم اه انا بقى ايه الى طلع فى دماغى النهارده؟؟ طلع فى دماغى اكتب أغنيه حميد الشاعرى الى مزهقانى بقالها 4 ايام وبتلح على دماغى ومش عارفه اخلص منها قلت الحل الوحيد علشان اخلص منها اكتبها يمكن تحل عنى طيب هى ليه معلقه فى دماغى كده علشان بكل تأكيد بتعكس حاله أنا مريت بيها ومع انى كنت قاعده وساكته طلع لى سى حميد فى البخت وبما انى باموت فيه الاغنيه فضلت تتنطط ادامى ليل ونهار على مدى مش فاكره بقىيوم اتنين المهم سمعتها لحد ماجالى احباط تام قررت بعده انى اعاقب نفسى واعاقب حميد بأن اول مدوناتى هاتحتوى على اغنيه اخـــر صبرك ياقلبى وهافضل أدعى على صديقى الى بعت لى الموقع لحد يوم الدين بسبب الى عمله فيا اليومين الى فاتوا
اخر صبرك ياقلبى تدوب تدوب تدوب
تدوب فى قلب عمره ماكان حبيبك
اخر صبرك ياقلبى تعيش تعيش تعيش
تعيش
العمر ويجى فى يوم يسيبك
يوعدنا ليه وبعدين يخوننا
ويهون عليه كل الى بيننا
والى افتكرته حبيب حياتى ياقلبى خان ليه ابتدينا وانتهينا هان هوانا عليه
ليه ندانا ليه نسانا يجرحونا عنييه
يجرحونا عينيه
اخر صبرك ياقلبى تدوب تدوب تدوب
بتدوب فى قلب عمره ماكان حبيبك
اخر صبرك ياقلبى تعيش تهيش تعيش
تعيش العمر وييجى فى يوم يسبيبك
يوعدنا ليه وبعدين يخوننا ويهون عليه كل الى بيننا
والى افتكرته حبيب حياتى ياقلبى خان
فين فين غرامه فين كلامه الى قاله سنين
كان معانا ليه هوانا ضاع فى غمضة عين
فين فين غرامه فين كلامه الى قاله سنين
كان معانا ليه هوانا ضاع فى غمضة عين اخر صـــــبرك ياقلبى ا
طبعا انا قاعده باسمع الاغنيه برده يظهر ما فيش فايده يالا ازمه وتعدى زى ماعدى غيرها كتير
كنت هأنسى اللينك



http://www.6arab.net/ViewSingersCats/singers/718.html